فضفضة

اين ذهبت الاخلاق ؟؟؟ سؤال مهم حطوا تحتو مية خط , من جد الناس ماصار عندها احترام لبعضها او حتى للكبير .. عيب عيب لا مو عيب حرام على الاقل ادوا للكبير شوية احترام اكمنو اكبر منكم .. عندنا دكتوره في الجامعه من جد اليوم اتنرفزت و انا في المحاضره البنات بس قاعدين يتريقوا و يعلقوا و يتمسخروا في كلامها حتى ابغا اركز شويا مني قادره اخر حاجة قفلت الكتاب و قعدت اطالع فيهم .. و بيتمسخروا فيها لانها مصرية !!! و دي تاني مره يعدي عليا دا الموقف في دكتورة تانيه برضو من مصر بيعاملوها بنفس الاسلوب .. ليش ؟؟ لانهم طيبيين مرا و بيعاملونا كأننا بناتهم .. طب مو عيب يعني واحدة بتحترمكم و تعملوا فيها كدا .. مااعرف كيف مسكت نفسي اليوم لاخر المحاضرة من جد استفزوووني ..
و لا ايش حكاية السنة و الشيعه دي !! سنه شيعه سنه شيعه ياهوو في اشياء مهمه اكتر من كدا سيبونا من السخفات و كبروا مخكم شويا .. في حشه نفسي اقولها بس ماابغا اخد زنب ,, بس من جد اكره دول الناس الي مسويين فيها تطوع و دين و قران و مدري ايش و يكونوا ازفت ناس و عليهم حركات مندلة و انانية و مااعرف ايش نسيوا ان " الدين معاملة " لا و يجوا بكل ثقه يقولوا نصايح " انصحوا نفسكم اول " .. خلاص انا خلصت الي عندي لدحين
yala have fun ^^