Our trip to 3'ar heraa

على خطا الحبيب تاني مره


^^



يوم الاثنين 30-7-2007 , رحنا رحلة مع المركز الصيفي " عيشي حلمك " لمكه .. اول شي رحنا الحرم و طفنا حول الكعبه و كان الحرم فاضي بس تعبنا شويا لما جينا نسلم على الحجر الاسود لأن الزحمه كانت هناك .. مره كان الطواف ممتع لانو القروب الي كنت معاه هوا الي كان نفسي فيه " عشان كلهم صحباتي لوول " بعد ماخلصنا طواف اخدنا صوره للكبعه و قعدنا نتصور " لو يدروا عننا كان رحنا في سين و جيم "


و دي صوره للكعبه عشان اصورها قعدت على الارض و سويت نفسي بدور على رقم و صورتها لانو كان فيه امن و عساكر كتيرر




بعد ما خلصت كل القروبات الطواف رحنا نزور مركز " نسيت اسم المركز " و مرره كان بايخ و كئيب بس احنا رحنا نزورهم عشان الداعيه حقتنا المفروض تلقي محاضره هناك و بعد ما سويت المحاضر اتغدينا معاهم و على الساعه تلاته و شي مشينا على غار حراء ..

طريق الرحله كلو كان تريقه و ضحك و مزاح و اكل .. و من كتر ماطفحنا غدا و سناكز و احنا طالعين الجبل تعبنا مظبووط


المهم .. و صلنا الجبل على الساعه اربعه و خمسه العصر و بدينا نطلع





<<<دا الراجل مانعرفوا طلع غلط في الصوره
من اول ربع ساعه الا و احنا تعبانين و طلعنا قوارير المويه و هاتك شرب .. تخيلو انتو كأنكم بتطلعوا درج مكسر ربع ساعه .. المهم احنا طلعنا المويه من هنا و القرود صارت تهجم علينا لانها عطشانه .. و صارت تلحقنا عشان تاخد الشنط لانو فيها مويه ..


اني وي .. و صلنا الغار بعد طلوع ساعه و نص او اكتر من جد اتكسرنا تمماااام و كنا كل شويا نرتاح و نكمل تاني كلو دا عشان نبغا نحس بتعب الرسول و نمشي على خطاه .. وحده من البنات كانت تحمسنا و كانت طول الوقت تقول " همتي اعلى من قمتي " و كانت تقول للبنات لما يتعبوا و يوقفوا " انتو قاعدين هنا و الاسلام فوق " من جد تعبنا تعبنا بس اول ماوصلنا الغار راح التعب كلوو


و دي صوره للغار ..







انا وصلت الغار سجدت سجود شكر و اتصورت مع ماي فريندز و نزلت تاني لانو المكان اتملى شباب و بدؤوا يصورونا و يأزونا " انا مااعرف كيف يجيهم قلب يعملوا كدا في مكان زي دا "


مع انها تاني مره ليا اطلع الغار " الصيف الي فات طلعت الغار برضو مع نفس المركز " و صح انو لغاية دحين انا مكسسررره بس لو قالولي اطلعي تاني حطلع .. من جد الشعور هناك مرررره غييييير و مرررره مرريح و حلو


المره دي كانت اتعب من المره الي فاتت لانو كنت مصره اطلع صحبتي معايا و هيا ماتبغا عشان يجيها هبوط مع الارتفاع و كل البنات الصغار و الي مررره دلع اتلموا عليا مايبغوا يطلعوا الا معايا
فتعبت مرره كتير

XD

بس لما و صلت الغار مررره اتبسطت


و في النزله مادري ايش الي ورطني مع بنت مرررره لعاااابه بس تبغا تصور و تنط و تتزحلق مرره صرت خايفه عليهاو من كتر ماتصور فكرتني بحقون شرق اسيا لما نسافر يصورو كل شي حتى الاكل الي ياكلوه و اسم الشارع و ماعرف ايش

صارت مواقف مرره تضحك في الحرم و في الجبل و مرره مرررره اتبسطت بقووه و اتختمت الرحله بخبر و حش طلعوا صحباتي كانت بتدرسهم خصوصي ابله انا مرره احبها و قالوللي انها ماتت لها سنتين مرره انا اتأثرت بالخبر لاني مرره اعزها الابله دي .. كانت تدرسني رياضيات في الثانوي و هيا مصريه و تعتبر من احسن مدرسات الرياضيات في جده .. الله يرحمها يارب و يسكنها فسيح جناتو يارب و ادعولها انتو كمان :)

و بعدين قعدنا نسوي تشك اب كامل لانو اتنين من صحباتي دكاتره و ياريتني ماسألت طلعولي امراض و بلاوي بس مشي حالك كلو تكفير زنوب

;p

يلا انا خلصت قرقرتي

نفسي اكتب المواقف النكته الي مرينا فيها بس مافيا مرهه تعبانه و مااطول عليكووم

C ya