خلص المركز :(

Listening to: nothing

Reading: nothing

Watching: my laptop screen

Playing: with nothing

Eating: nothing

Drinking: tea with mint & Tropicana sugar ^______^

Hola~

n________n

امس كان اخر يوم للمركز و كونا عامليين بارتي في جمعية تحفيظ القران الي قدام مستشفى فتيحي .. الحفله على قد ماكانت متواضعه و الي عملوها كلهم بنات المركز الا انها كانت مرره واااو و انبسطنا مره كتير ,, لدرجة انو ندمت انو ماشاركت معاهم " ولو اني عارفه نفسي از يوجول اشارك و اول مااطلع على الستيج و اتكسف على عمري و اخبص كل شي "

اني واي .. يوم الاحد دا كان مرا يوم حافل ,, يوم السبت قالولنا انو بكرا " قصدهم على الاحد " حيكون " يوم العطاء" و اننا حنروح نزور ناس مره فقرا و حالتهم عدم و نعطيهم مؤن و اتفقنا ان كل الي نجيبو اكل عشان ما نتشتت و غير كدا خفنا نجيب شي مايناسبهم " مثلا لو ملابس ماتطلع على مقاسم و كدا " و بس الاحد الصبح رحت قضيت انا و اختي من السوبر ماركت من جد من جد احترت ايش اجيب و ايش اخلي صار نفسي اجيب كل شي لاني مني عارفه ايش يحتاجو ... المهم اشتريت اشياء حسيتها حتنفع و اشتريت فواكهه و حاولت اجيبها فاكه مو معتاده زي التفاح و الموز و كدا لانو احنا اتفقنا نوريهم اشياء جديده .. المهم اشتريت الاغراض و رحنا المركز اخدنا محاضراتنا عادي و بعد الظهر بدينا نفرز الاشياء الي جبناها عشان نوزعها

;p" انا صورت صوره وحده هيا الي قدرت اصورها بس الموبايل مقفل و مافيا اشحنو لوول .. حنزلها بعدين "

بعد مافرزنا الاشياء و كدا حسينا الاغراض مرا كتير" بس بعد ما وزعناها طلعت ما تكفي و مره قليل " .. احنا قسمناها فواكه و خضار - معليات - رز و مكرونه و سكر - حلويات و شبست و تشوكليت و عصيرات

و بعدين صرنا نوزعهم في الاكياس على اساس ان كل عائله تاخد من كل شي حاجه .. قسمونا قروبيين انا كنت في اول قروب و مرا اتبسطنا اكتر من القروب التاني لانو في انا و صحباتي الرجه لووول .. لما وصلنا هناك من جد اتأثرنا بقوه .. الناس اول ماسمعوا صوت الباص فكو الابواب و صار يجروا علينا و البزوره طلعت من جد الحمد لله احنا عايشيين في نعمه مررره كبير بناكل الي نبغاه و نشرب الي نبغاه و بنروح افخم الاماكن و برضو مو عاجبنا و هما بيدورو العيش الي مرمي في الارض :*( من جد من جد الحمد ليك يارب

مرره الرحله دي علمتنا نقول الحمد لله و نحس بقيمة النعم الي عايشين فيه

ا ..

انا انسانه عندي قابليه اصير وحده موسوسه بقوه بس بحاول اتغلب على الشي دا مررررا كتير .. بس من كتر مااسمع قصص تخوف عن الاماكن الي يعيشوا فيها الناس دول غصبن عني وسوست ,, و مره صرت خايفه القط اي مرض من اي مكان ,, استغفر الله سويت حركه في وحده حرمه مرره ماكان قصدي ,, هيا شافتني و انا ماشيه و شايله الكيس فجت جري تطللع من البيت شويا الا انتبه انو يدها اليسار من الكف لين نص يدها عليها شي اخضر صرت اقول لا لا بعدي انتي بس ابعدي و انا اديكي هوا و صرت ارجع ابغا اجري على ورا .. المسئوله الي معانا صارت تضحك و تقولي مافيها شي انتي عليكي حركات يا نانا شو هاد و مااعرف ايش و بعدين قولتلها انا مو قرفانه بس يدها فيها شي اخضر .. قامت قالتلي هايدي حنه !!! من فرحتها بيكي تبغا تحني يدها !!!!!! يالله مره حسيت نفسي جرحت مشاعر الحرمه

مره صارت اكشنز كتير في ديك الرحله و احنا راجعيين صحبتي الا و مصره تفتح الشباك و تعطيهم فلوس و انا اقلها لأ لما يتقفل باب الباص لانهم متلمين عند الباب و ممكن يدخلوا علينا لو شافو الفلوس .. و بعد مااتقفل باب الباص فتحت الشباك بالقوه عشان تعطيهم الفلوس , انا فتحت فتحه مررره صغيره عشان بس نعطيهم الفلوس و ما القى الا عشرومييت يد جوا الباص و صرنا نصرخ انا و هيا نبغا نقفل الشباك و الناس بتدخل يدها تبغا تمسكنا و بالقوه بالقوه سكينا الشباك .. بس اتسكر على يد طفل صغير :( بس الحمد لله فتحناه و سكيناه تاني سرريع و ماصرلنا شي " كان منظرهم زي افلام الرهب لما تطلع ايادي مره كتير و تقعد تتحرك تبغا تمسك شي ".. احنا بس سكينا من هنا الا لقينا الباص داعسسس بقوه و جري حتى الراجل خاف يبغا يشرد ... طبعا في الموقف الغبي حق الايادي دا انا وصحبتي كنا نصرخ و نضحك و البنات بيضحكو على المنظر بعد ما مشينا صرت اقولهم اسجدوا سجود شكر من جد الحمد لله احنا بنضحك و هما الموضوع عندهم مسألة حياه او موت

( الحمد لله يارب الحمد لله )

رجعنا المركز تاني على اساس عندنا بارتي و عروض و اشايء كدا كمان في الليل .. انا اصلا طول اليوم كنت باكل حلاوه حمر اشتريتها من السوبر ماركت في الصبح و كنت ابلعها بالبزور الي فيها >< و بعدها اتغديت و كان من ضمن الغدا فرايز و نقتز غير الدايت " شربت اتنين ><" فقام عليا القولون ×__× و الناس عملوا البارتي و انا نايمه من التعب و لاني كمان كنت مواصله " و طالع شكلي كأني بقولهم حركاتكم سخيفه و ماتعرفو تمثلوا و لا تعملوا شي " ..

تاني يوم صحيت متاخر لاني لما رجعت البيت مانمت علطول " طار النوم طبعا في الطريق " و ياريت صحيت و قمت علمركز علطول لا رحت استحميت و قعدت شويا اروق و بعدها مريت على كوفي بينز اخد كوفي من جد استهبلت استهبال مو طبيعي داك اليوم ..

و امس كان البارتي الختامي مرره كان يحمس و شفت صحباتي ليا سنه ماشفتهم حقون الكامب و المركز السنه الي فاتت .. و بعدها رحت اتعشيت برا و برضو صار فيه هبالات

" انا من كتر المواقف الهبله في حياتي احس انو ابغا االفلي كتاب "

;p

و الهفه الدينيه لسه مكمله معايا " يارب يزودها و تكمل معايا عمري كلو "

من جد مره حلو نعرف عن ربنا لانو احنا مقصريين في حقو مرررره كتير

من جد نفسي تروحو دار النقاهه و تزورو الناس الفقرا دول " احنا رحنا الرباط الي ورا الرئاسة العامه " و تطلعوا الغار التجارب دي حتغيركم 180 درجة و حتى لو ماغيرت حتديكم دقه و تخليكم تنتبهوا على

النعم الي ربنا معطينا هيا و احنا مدينها ظهرنا

يلا اورفور و انجوي يور تايم و هاف فن

:)