WHAT A DAAAAY ! !

Mood:

Listening to: ××× Reading: ××× Watching: ×××
Playing: ××× Eating: ××× Drinking:×××

Helllllllllllo

بل السلام عليكم و رحمة الله و بركاته

نبغا ناخد اجر وووي

بيفور ياستر داي . . كان يوم من اولو لاخرو نكته

الفجر كنا قاعدين انا و جيجي و مامتشي . . فـ جيجي بتقول الربوع بعد بكرا رايحن ريد سي مول عشان محاضرة العوضي و مارحنا و الخميس محاضرة الشقيري في الغرفة التجارية ان شاء الله نروح . . الا انا ادخل مقاطعة الربوع مو بعد بكرا بعد بكرا تلوت . . القى جيجي و ماما يطالعوا فيا بنظره غريبه . . قلتلهم ايش !! ماما قالتلي دحين ادن ليوم التلوت . . قلتلها لالا مومعقولة فين راح يوم الاتنين . . لسه قبل امس السبت بقول لجيجي . . الا جيجي تدخل مقاطعة اليوم تلوت . . و طلع منجد

. . تلوت

. . ثلاثاء

Tuesday . .

Mardi

火曜日

انا لغاية دحين مااعرف الاتنين في راح . . انا فين كنت داك اليوم

!!

المهم يوم . . التلوت . . احنا كنا مواعدين اور فريند نروح عندها . . و من زمان مو شايفينها . . يمكن سنه . . فمره حيكون شي حلو . . و نايس . . ولقاء تحفه الاشواق . . و الميموريز سنه كاملة مو شايفين بعض و لا سامعين صوت بعض . . حتى العزومة جت بالمسنجر

قمت نعست نعاس في الوقت الي المفروض خلاص نتجهز و نلبص و الخ الخ الخ . . و اقلهم صحوني بعد نص ساعه لوول يقولولي

مايمديكي تخلصي لو صحيتي بعد نص ساعه . . وجااان زيييين اصحى بعد ربع ساعة . . اصلاً كويس ازا حسيت بيهم يصحوني . . النعاس الي جاني كان باين انو نعاس وحده تبغا تستمخ . . و رمرومه كل ماتكلمني تقولي ايش حتلبسي اقولها مادري ليه استغربت من السؤال

تقولي انا عرفاكي تطولي لما تلبسي!! ليش دايمن مشوهين سمعتي كدا

المهم و صلنا و مانمتش و اتلطعتلي لطعة في الشمس بس كان مرا اكسايتنق اللقاء . . بعدين رحنا مستشفى التخصصي نبغا نزور مرضى . . نكسب فيهم اجر في رمضان . . هيا كانت بتقولنا في سربرايز لما تجو . . فطلع هوا دا . . رحنا هناك يمكن كنا فوق الـ 30 بنت او شي دخلنا المستشفى و انا كلعادة كل ماادخل دي المستشفى اشمشم في ريحتها ريحتها تزكرني بزكريات حلوة

اول مادخلنا النظرات ثم النظرات الي كانت بتلاحقنا . . اصلا شكلنا مو طبيعي بس احنا مع الكامب اتعودنا علنظرات دي خلاص و صار عندنا تبلد حسي . . و يلا متحمسين و موش عارفه ايش . . يجي حق السكيورتي يقولنا لحظه !! مارضي يدخلنا و من هنا و من هناك مافي يعني مافي

و بعدين يقولنا يلا يا اختي ممكن ويأشر علباب . . احنا يمكن اول ناس تنطرد من مستشفى لول . . بس النيه النيه . . اخدنا الاجر ان شاء الله و احنا ماسوينا شي

اصلاُ انا اول ماقالت التخصصي قلت

DAMN

انا بتعالج هناك و كل مره اطلع عزر باااااييييييخ عشان ما اروحلهم ><. . اقوم اروحلها بنفسي و انطرد كمان . .

المهم طلعنا من المستشفى و رجعنا البيت عشان نفطر . . و كان فطور اردني نايس . . عرفنا شو عم يفطروا كل يوم
اخر الليل الناس راحو . . واحنا بنتكلم القى حضرتي

. . خلاص مررره ماقدرت امسك نففسسي نمت و سبتهم مع نفسهم لوول . . و اول ماركبت السياره طاخ على وجهي كملت نومي . . . شويا يصحوني يلا نانا وصلنا بيت جدو !!

جدو مين !!

انا نعسانة ابغا سريري و انااااام . . انا ممكن انام عند عتبة الباب اصلا . . و بالقوة نزلوني من السياره . . انا لو ينفع كان قلتلهم قلولو حفيدتك تسلم عليك و اكمل نومتي في السياره . . طلعنا عند جدو و انا زي الدايخه قعدت في اول كنبة قدامي و يدي على خدي و باين انو انا في عـــــالــم و هما في عالم . . ماصدقت بس متى اوصل البيت عشان . .

يروح النوم و اقولهم يلا ايش رايكم نعمل دليفيري !!

بعد الفضايح و التهزئ الي اخدتو راح النوم اول ماوصلت البيت

و انا مالي هوا الي راح . . يعني انوم نفسي بالغصبه مثلا

كان يوم فضائحي . . بس كان مرا حلو . . و مرا نايس

و اي لوووووووف يو رمرومه

يلا برب عوزه اقرأ قراّن