Paris Hilton says her blonde bimbo image ''just an act''
الخبر دا قريتو يوم السبت كنت بفطر في وحدة من الكوفي شوبز الي جنب الجامعه " و الي بطلت ليا يمكن سنه اروحلها" . . ماادري ايش الي خلاني ادخل هناك تاني
. . منجد الحال زااااااد . . يعني لمتى كدا . . لمتى قلة الادب و السخافة دي . . يعني لو ما الجامعه لحقت نفسها كلها سنتين كمان و على جامعتنا السلام و اي واحدة محترمة تشوفلها جامعة تانية . . و خلي جامعتنا "العزيزة" همها كلو " اشوف ايش لابسة مخالف , و وريني جوالك بكاميرا او لأ "
بدل العبط دا الي كل يوم هالكينا فيه . . تنورتك قصيرة , موبايلك بكامير , ليش البنطولون و فين اللاب كوت حقك . . في حاجات اهم . . بنات "شازيين", و بنات "ماعندهم ادب" على بالهم عشان دخلوا الجامعه يلا نعمل الي نبغاه محد داري عننا,
و المصيبة انو في الاخير الكلام برجع على بنات جدة . . و اغلب الاشكال دي كلها مهي من جدة ات اول . .
اكيد الجامعه مو كلها كدا . . بس من 5 او 6 سنين اول مادخلت الجامعه . . كانت الفئة دي اقلية . . و كلو بيداري بعضو . . بس دحين مررره سطو و عينهم صارت قوية . . و قال ايش . . يبغوا يعملوا مظاهرة عشان منعوهم يقعدوا في اماكنهم "المشبوهة" !!!!!!!!!!!!
قبلها بكم يوم بالصدفة وحدة بتقولي احنا من سخفنا ممكن نعمل مظاهرة علـ كورة بس مو ممكن نعمل مظاهرة عن غزة . .
ناس بجد بجد
سـخيــفة
خصوصاً داك اليوم في الكوفي شوب . . بدل ماتلم نفسها و تستحي بكل و قاحة عين تجي و تروح يعني شوفوني . .
و كالعادة . . سيظلوا هكزا . . و تظل جامعتنا في سباتها العميق . . لين مايلاقوا احد في جامعتهم . . ووقتها يفتكروا يعملوا "خطههم الجديدة"
