Well,
if u didn't know yet . . .
احنا غرقنا في "شبر ميه"
اعصار كاترينا صار عندنا .. عشان رشتين مويه نزلت علينا
و بدأت سلسلة كزب و نصب جديدة .. بدل مايتعظوا و يتوبوا ..
الى طلع يقول حجم المطر كان كبير و مااعرف يساوي كم و دخل في الفزيا و الكميا عشان الناس ماتفهم وتستحي و تبطل تسأل .. مع العلم ان المطرة الي جتنا لاشئ تنزل في باقي مدن المملكة اضعاف اضعافها ...
و الي طلع يقول التصليحات حق الشي الفلاني يبغالها مااعرف كم مليار .. " طبعا لغة التعامل حقهم المليار " هما لما درسوا في المدارس درسوها كدا " احاد عشرات مليارات\"
و كولو كوم و ابو كرش حقنا حق الجامعه عرف المبلغ المطلوب بالضبط .. كأنك عرفت تحسبها بسررعه .. انا 6 سنين و نص في الجامعه و في مشاكل من قبل ماادخل لين ماخرجت ماعرفت تحلها .. مو هوا اساسا مو عارف ايش قاعد يصير في الجامعه طول السنين الي فاتت .. بس دحين عشان في لجان اتشكلت
و كلو كوم و انو عمل "خطة طوارئ للطلاب\" صحبتي بتقول " قولولي بس مين حيصدق جرس الانزار دي المرة"
الي قعد يقول عقاب من ربنا بسبب الفساد.. يسكت ساكت كل المناطق المتضررة بعيدة كل البعد عن الي في بالهم .. دا درس من ربنا للفاسدين التانين تعرفوا لما نقول "انتم السابقون و نحن اللاحقون\"
الي ماتو " الي يزاع و يكتب يعادلوا 160 شخص تقريبا او تزيد شويا بس الصحيح انهم فوق الـ 2000 .. المتطوعيين كل شويا ينتشلوا جثث وهما في يومين زودوا عدا الضحايا بس شهيدين !!! فين الباقي !!"
و المفقودين وصلوا الى 10 الاف يمكن اكتر كمان محد يعرف ..
الجدير بالذكر ان وكالة الانباء السعودية- واس
كتبوا مقالة بعد المطررة تمووت تضحك .. مأخوذ منها
التالي ..
"وفي الوقت الذي اوشكت شبكات تصريف الامطار في مدينة جدة على الانتهاء الا ان بعض شوارع المدينة تجمعت فيها الامطار وسببت بعض الاختناقات المرورية ولم يتذمر الاهالي لمعرفتهم ان شبكة التصريف لم تنتهي بعد
وقامت القطاعات ذات العلاقة بتصريف تجمعات مياه الامطار بالعمل من اجل تسهيل الحركة المرورية\"
اساساً اساساً المويه ليومكوم دا مانسحبت "بس من الطرق الرئيسية\" و الجثث الي تحتها ما طلعت .. و طالبين متطوعين غوص!!
مالت عليكم اسحبو المويه اول .. تبغوا متطوعيين يغوصو في مويه وصخة تقيلة صعب الغوص فيها تحتاج ناس بروفيشنال عشان يغوصوا فيها عشان ينتشلولكم الجثث!!
لا تدورا عالمقال .. لأنوااتشال دخلت اللينك تاني و مالقيت شي ...
اول مرا اشوف اختناقات مرورية تموت 2000 نفر و 10 الالف فقيد بسببها!!
اسرائيل بكبرها وجرمها و بطشها قد ماقتلت في فلسطيين ماقد سمعنا انو وصل 8000
كل شهيد استشهد و كل فقيد حرقة اهلو في يوم العيد ربي ماراح يمررها كدا .. عجبني واحد في الاخبار قال انو انا يهمني عوض ربنا انا على صدري 3 اوسمة " تلاته ماتولو بسبب السيل"
و اليوتوب مليان فديوات للسيول .. انفاق غرقت صارت بمستوى الارض .. سيارات اهشمتبيوت خربت
http://www.youtube.com/results?search_query=%D8%B3%D9%8A%D9%84+%D8%AC%D8%AF%D8%A9&search_type=&aq=f
http://www.youtube.com/results?search_query=%D8%B3%D9%8A%D9%88%D9%84+%D8%AC%D8%AF%D8%A9&search_type=&aq=f
الي جالسيين نترقبوا دحين
بحيرة المسك
للي ما يعرف بحيرة المسك ..
سمعتوا ببحيرة البجع اكيد .. دي حقتهم حقت الناس الي تعرف تشتغل ..
احنا عندنا شي افخم ..
بحيرة مكونة من "مجاري مدينة جدةللاعاوم الـ 25 سنة الماضية - يمكن اكتر يمكن اقل مااعرف\" فيها ملايين اللترات من المياه العفنة ..
صار تسرب في السد .. هيا فيها سدين واحد ترابي و واحد اسمنتي تم بنأه قريبا .. المسافةالي بين السدين اتملتمويهامطار و صارتعرف بـ "منطقة موبوئة\" تم امس اخلاء الاحياء المجاورة و المستشفيات المجاورة خوفاً من حدوث شيء
دي صورة من الاعلى مع الشرح
و طبعا كل مينطلع و اتكلم سوينا و عملنا .. و حطينا محطة تنقية سريعه .. احلفوا بالله .. فين النشاط دا من 5 سنين و الناس بتشتكي و تتأزى .. و منظمات البيئة تقولكم ان جدة فيها كوارث بيئه!!
بلدزي جدة يصير فيهاداكلو .. جدة ماخدة موقع من افضل المواقع في العالم .. جدة تاني مدينةفي اغنى الدول والمصدرة للنفط في العالم !!
دا ان دل على شيء دل على
جهل - نصب
مشكلتنا مااخدت بعدها الاعلامي المناسب .. والتلفزيسون السعودي يتعامل معاها بكل انواع التخلف و الاستعباط.. و اغنية لبيه لراشد الماجد .. ليش!!
غسيل مخ كمان حتى في دي الاوقات ..
ربنا رؤوف بعبادة .. انا عل يقين كبير ان ماراح يجرالنا شي و معجزة الاهية اخرى حتمحينا من اهمال "امانة بلدية جدة"
بس ربنا ما راح يسامح من كان السبب .. و نشوف فيهم البدع
و يرجع كل فقيد حي ساالممعافا بقدرتك ياقدير
Edit: هتلر يستنفر من الأمانة بسبب أمطار و سيول و كارثة جده
i made this
4 icons "different sizes"
click Here for downloading
دعواتكم
HUGS&FLOWERS
Nana
