Listening to: ××× Reading: Antoinette By Romain Rolland Watching: ×××
Playing: ××× Eating: Chocolate Chips Drinking: Lemon tea <3
من يومين كنت اقرأ ملحق جريدة ما حقول اسمها عشان . . . اكدب على مين ما حقدر مااقول اسمها "اسمها الرسالة .. ملحق يجي مع جريدة المدينة" . . .
"أبتهجت جداً" لما شفت الملحق و بما اني كنت قاعدة استنى بوبو تخلص البرزنتيشن حقها و نخرج نفطر سوا و مالي نفس اكمل قراية الكتاب الي في شنطتي .. "فأخذت" اقلب صفحاتها . .
اول شي جت عيني عليه مقابلة مع "العلّامة ابن عقيل الظاهري" استمتعت بقرايتها صراحة كانت مقابلة جيدة . . .
بعد ما خلصت قراءة بدءت "اجوب" بنظري هنا و هناك (صح اجوب و لا هيا كلمة تانية!!) المهم لقيت ثلاث اشياء خلتني اقفل الجريدة و اطلقها "طلاق بائن":
اولاً: مقالة ماخدة ثلاث ارباع الصفحة عن:
عمل المراة و الزواج و الخ .. صراحة ماقريت الموضوع كلو, اساساً مين يقرأ موضوع زي دا في الزمن دا .. بس من خلال الرسم البياني و دي الاشياء حاطين سلبيات و ايجابيات و ماعرف ايش لعمل المرأة!!!
ثانياً: مقالة ماخدة يمكن صفحة كاملة عن: رسائل فاضحة في جوالات اولادانا !!!!!!!!!!!!!!!!!!
ثالثاً: خبر في الركن في الصفحة الاخيرة . . " و انا احمد الله انو في الصفحة الاخيرة و في الركن .. و ما خصصولو صفحة كاملة" عن: عالم اثبت ان الاذان لايقف و انو متواصل في جميع انحاء العالم.
انا بعد مانصدمت بالمواضيع دي رحت اتأكد من تاريخ الجريدة طلع تاريخها بيوم الجمعه الي فات!!
2010 << ما فاتتني لا تخافوا =d بأه دي مواضيع !!! دي مواضيع تنحط في جريدة .. او يتناقش فيها في دا الزمن!!! يعني الواحد كل مايجي يستبشر خير ينصدم في "التأخر" الي احنا عيشينوا!!!!! مين في الوقت دا يناقش موضوع عمل المرأة!!! قبل 5 او 10 سنين كنا نقول طيب نمشيها شي جديد داخل على السوق العربية و ال"سعودية", بس دحين في دا الزمن !!! البنات صاروا يروحوا يدرسوا برا على فكرة !! >> اتوقع عام 3010 راح يتكلموا عن "دراسة المراة في الخارج حاجة ام بديل" =d
هيا خليني اشوف دا المنشت في جريدة "سأقضيكم مقاضاة قانونية"
العالم كلو الحريم صارو يشتغلوا عادي .. و مدبرين امور بيتهم مظبوط و ميه ميه, و ازا جينا على السعودية برضو الوضع ماشي تمام . .
و لا اسلام و لا عرف حرم عمل المرأة جايين تنتاقشوا دحين ليه!!
و لا رسائل فاضحة و فديوهات !!!!!!
دا الشي من سنة جد جدي ... دحين جوا يتكلموا فيه !!!
كل المواضيع قديمة و معروفة . . . طب في احد مايعرف انو الاذان مايوقف و مستمر حول العالم كلو !!
ازا غاويين تعبية ورق عنهم ماعملوا ملحق . . . خسارة ورق وحبر و الالات و جهود بشرية عشان مواضيع من الارشيف!!!!!
و ازا تبغوا مواضيع . . . ما اقلكم كلموني و انا اديكم دواوين مواضيع لول ^^ . .
بس اعملوا اقتراحات خلوا قرائكم يقترحولكم مواضيع على الاقل =/
و ماابغا اتكلم عن ان الملحق ديني, و المواضيع الي فيه من سنة جدي . . . .
يعني لمتى نقعد بكل الوسائل و الطرق الممكنة نبغا نحاول نربط الاسلام بالرجعية !!!! . . . دحين اي احد يقرا الجريدة حقول شوفتو عمرهم المسلمين ماحيتطوروا بسبب المواضيع الارشيفية الي كاتبينها
=/
بدل ماتحاولوا تختاروا مواضيع و اشياء ماشيه مع زمنا دا .. اخترتوا الكسل و الشي السهل و اسحب مواضيع من الارشيف !!
اني واي . . . المهم انو بعد مانصدمت بالمواضيع "المميزة" بوبو خلصت و خرجنا اخدنالنا احلا فطور و كملنها بغدا مع جيجي . .
و لاول مرة في الحياة اشوف "جمس الهيئة" . . . طلع شي محترم . . . انا على الكلام الي اسمعوا اتوقعت شي مغبر من غير شبابيك =d
و اخيراً . . . برد بعيد بكرر
انا انتقدت مواضيع الجريدة القديمة . . مانتقدت الجريدة و بالعكس "امتدحت" احدى مواضيعها في البداية
عشان لا يجيني احد يتفلسفي . . . اصل الفلسفة زايدة دي الايام عند بعض الناس .. و عاجبهم يعطوا اراء محد طلبها منهم =/
صار رسمي فساد !!!! عشان انا ارسم بنات . . و مااحط صور لموديلز "فكتوريا سيكريت" او صور للطاهرة "سكارليت جوهانسون" في وضعيات محترمة . . و كم اكشن جاهز و برش جاهزة في الفوتوشوب و اقول "ياااااااي سويت تسميم مواه"
تصدقوا كنت مريضة .. بعد ماكتبت البلوق خفيت !!!
شكلو الي كان عندي اعراض
مضاعفات الاعلام "الجيد" الي عندنا او سخافة ناس انحط في يدهم لاب توب و موبايلي كونكت =S
=p
HUGS&KISSES
ENJOY
peace
