Nana's ADDICTION

Mood: Approval

Listening to: Britney Spears - Do Somethin'
Reading: ×××
Watching: ×××
Playing: ×××
Eating: ×××
Drinking: ×××

هـــــاي قايز
مس مي ها

شوفو شوفو ...


دا كلو من الفيس بوك و عمايلو .. من جد جاني ادمـــــــــــــــــــــــــــــــــان
جتني فتره ماكنت اقدر اقفل السايت بس انزل ابلكيشنز و كل شويا احل الاختبارات حقت الشخصيه " افتح بالاربع و الخمسه مره وحده و اقعد ااحلهم "
بس من كم يومين اضطريت الغي الاكاونت حقي .. عشان حسيت انو كل مالو الفيس بوك قاعد يسخف زياده و كترو الناس " الـ ××× " فيه .. ماعرف ليش البروفايلات صارت ملايانه صور و فديوز رديئة كدا ,, يعني غصبن على الواحد لازم يشوف يعني و لا ايه

بس احسن برضو اهو ارتحنا و جاني ادمان من نوع اخر

صار عندي ادمان اشوف موفيز .. انا الي كنت مااشوف الموفي الا بعد مايطلع بي سنه صرت اتفرج عليها و مااصدق ارجع البيت عشان اشوف موفي بس كلها بشوفها للنص و بعدين اشغل واحد تاني ماكملت غير واحد بس لنهايتو .. ماعرف لسش بطفش علطول


على سيرة الادمان .. الحادثة السقيمه الي صارت لاصباعي من كم شهر

Hona Hona

رحت بعدها بفتره لدكتور عشان اطمن ان الاوضاع " مستتبه "
الدكتور: انتي خايفه من دا ..
نانا: ايوا .. مررره يخوف
الدكتور: لالالا دا حاجه عاديه بوصي " و يقول للنيرس تجيب مقص و مطهر كدا شكلو غريب "
و يسكب مابداخل تلك الزجاجه على قدمي
و نانا تسحب قدمها و تقول : لالالالا اخاف تجيني غرغرينا " رجعنا للغرغرينا تاني "
الدكتور " و هو بيطالع فيا بنظره ملؤها الاستغراب ": غرغرينة ايه !
و جيجي واقفه وراه ماسكه ضحكتها بقوه
الدكتور : دا حاجه عاديه كأنك قاصه جزء زايد من اضفورك و بس و انا عايز اعدلك هوا عشان لو شبك ...
نانا : لا
الدكتور : طب نقرب في صباع تاني بوصي ها " و قصلي اظفور اصباع تاني " .. شفتي ازاي ماصارلك شي
نانا تطالع في الدكتور و حسة انو بعاملها كأنها طفلة بس برضو ما اقتنعت
الدكتور: شوفي انتي ازاي قاصه اضافير إيدك .. قاصهم غلط و لسه بيكمل ..
الا بابا في مداخله اعتراضيه و لا استعراضيه و لا وات ايفر : قاصه !! دي مكلاهم موش قصاهم
الدكتور يطالع في بابا و يضحك : منا عارف بس موش حلو اقولها كدا و هيا في السن دا

لا بالله !!
يافرحتك

نانا : طيب خلاص يلا قوصو .. و قصوا و خلصنا و انتهى الفلم
بعدين عجبو الكلام معانا و جلسنا " نسولف " انا و هوا و بابا و جيجي

في الاخير قالي تعالي بعد شهر ابغا اشوفك تاني و طولي اضافرك ابغا اعلمك ازاي توقصيهم صح لانو اكلك لاضافرك ممكن يعملك التهاب.. و لا تقوليلي انا بعمل بدي كير لانو دا كمان بيعمل التهابات و دا شي مو كويس .. و انا في نفسي قاعده اقول اية بدي كير و منيكر لوول لما تكون في اضافر اصلاً ..
نانا : لالا شهر كتير مااقدر

الدكتور : ماتئدريش تعصرلي عليها لمون شهر
نانا : طيب خلاص احاول

طبعا عصرت لمون و خل و سلطه لين ما طالوا و اكلتهم اول مره لوول و بعدين رجعت تاني طولتهم و بدل مااحس اخراً اني ومن و عندي اضافير نايس حسيت بالقروس و القرف مااقدر استحمل اشوف اضفور طويل دا شي كلو جراثيم و ديسكستنق

الكارثه الكبرى صارت امس ... جلست العب بيهم لقيت نفسي اكلتهم واحد واحد

اتوقعت انو العاده دي خلاص راحت ... بس شكلو لأ ..
دحين حستنى شهر تاني .. اوه ماي قااد ... ماابغا ماابغا ماابغا
عاده وحشه خالص .. ماعرف من فين اتعلمتها

يس يس يس << افتكرت انو باقيلها يومين و تخلص فاينلز ^^ باقيلي الاحد الجاي و التلوت ... و اعلن رسمي ان اجـــــــــــــــــــــــــــــــــــازتي قد بدءت

سفر و خرجات و تمشيات و قتنق تان

و الكامب طبعاً .. مررره متحمستلو

عئبلكوا يابتوع المدارس

باباي